Десетици повредени во судир на автобус и камион во Германија

Десетици луѓе се повредени денеска во судир на автобус од Полска и камион во источна Германија.

Полицијата соопшти дека камионот удрил во страната на автобусот на автопатот А12 меѓу градовите Сторков и Федерсдорф, во германската покраина Бранденбург.

Според полицијата, повредени се 52 лица, од кои 10 потешко, а состојбата на едно лице е критична.

Три хеликоптери, амбулантни возила и полиција се на местото на несреќата, каде дел од автопатот е затворен.