Денеска ќе се избира шеф на скопското вишо обвинителство, Хајрулахи единствен кандидат

Денеска во Советот на јавни обвинители ќе има нов обид за избор за прв човек на скопското Вишо обвинителство.

Ќе може да гласа само за досегашниот обвинител Мустафа Хајрулахи, бидејќи од трката се откажаа Фатиме Фетаи и Бурим Рустеми.

Покрај Вишото обвинителство во Скопје, денеска раководители ќе треба да добијат и обвинителствата во Гостивар, Битола, Велес, Куманово.

Се предлага и распишување нов оглас за обвинители кои ќе гонат организиран криминал и корупција, откако на претходниот избор ниту еден од кандидатите не доби поддршка од Советот на јавни обвинители.