Бојан Кирковски, Александар Микиќ, Тања Кочовска, Емра Куртишова, Ненад Георгиевски, Филип Поповски, Стефан Лазаров, Александар Динев, Сара Мејс, Денис Абдула, Христијан Станковски – Бомбакис, Вера Јанковиќ, Сашо Шотаровски, Алмедина Исмаили, Бисера Чадловска, Христијан Бузалковски, Горан Микиќ и Виктор Камнар се уметници и јавни личности од земјава кои се приклучија кон Кампањата „Не е до нив, до тебе е“ која има цел да ги промени навиките и да ја издигне свеста во Македонија за вредноста на правото на глас на повисоко ниво.
Караванот ќе гостува во повеќе градови во земјава наредниот период, и денес започнува во Струмица, а потоа продолжува и во Штип, Скопје, Велес, Кочани, Битола, Охрид…
-Затоа што секогаш ќе наидете на некој што ќе ви каже „Твоето едно гласче на овие избори нема да промени ама баш ништо“, подготвена е видео приказна со силна порака која ќе биде најсилен демант на сите такви коментари. Одговорот е јасен и едноставен „Ќе гласам затоа што дефинитивно не е до нив, до мене е”.
Оваа моќна порака ќе патува низ повеќе градови во Македонија и ќе стигне до секој што има дури и најмал сомнеж дека неговиот глас нема да направи промена.
Караванот „Не е до нив, до тебе е“ започнува на 08.04.2024, а првата станица ќе биде Градскиот парк во Струмица. Актерот Бојан Кирковски со својот стенд ап настап ќе го води караванот и низ Штип – Плоштад Слобода (09.04), Карпош – Антички театар (11.04), Аеродром – Парк Авионче (14.04), Велес – Градски парк (15.04),
Ѓорче Петров – Парк (17.04), Куманово – Градски плоштад (18.04), Кочани – Градски плоштад (19.04), Центар – Школка, Градски парк (21.04), Битола – Широк сокак (22.04), Прилеп – Градски плоштад (24.04) и Охрид – Плоштад ‚‚Св. Климент Охридски‘‘ (27.04)-информираат од организацијата на настанот.
Видеото „Не е до нив, до тебе е“ е објавено на каналот Јутјуб.
Вики Клинчарова