Демократски сојуз: Владата да ги заштити Македонците од мешањето на Бугарија во пописот во Албанија

Демократскиот сојуз ги повикува сите Македонци во Албанија на пописот слободно да ја искажат својата национална и верска припадност, како и мајчиниот македонски јазик на кој зборуваат и да не им обрќааат внимание на заканите на претставници од Бугарија, соопшти партијата.

Според партијата Демократски сојуз чиј претседател е Павле Трајанов националната свест има највисока цена и со ништо не може да се промени.

-Демократскиот сојуз го повикува државно-политичкиот врв да се вклучи во заштитата на Македонците од бруталниот притисок на Бугарија во Албанија во врска со пописот на населението. Демократскиот сојуз бара Владата изворно да ги следи сите недемократски и незаконити активности на претставници на Бугарија врз Македонците, секојдневно да ги информира и најостро да реагира пред Советот на Европа и Европската унија за грубото мешање на Бугарија во пописот на населението во Албанија заради менување на националната свест на Македонците. Почитувани функционери, доста долго сте во САД,, време е да се вратите во државата и да се фатите за работа, соопшти Демократскиот сојуз.