Прогресивната група од околу триесетина членови на американскиот Конгрес го повлече писмото до Белата куќа во кое се бара решение за војната во Украина преку преговори.
Како што стои во писмото, потпишано од пратеничката група, се бара од претседателот Џо Бајден да „продолжи директна дипломатија“ со Русија за да бара решение преку преговори за да се стави крај на војната.
Претседателката на пратеничката група, Прамила Џајапал, изјави дека писмото било изготвено пред неколку месеци, но било „објавено од персоналот без проверка.“
Џајапал додаде дека ја прифаќа одговорноста и наведе дека жали што писмото создало изглед на еквивалентност меѓу ставот на демократите и оној на лидерот на малцинството во Претставничкиот дом Кевин Мекарти (републиканец-Калифорнија), кој на почетокот на овој месец изјави дека нема да има „празен чек“ за Украина доколку Републиканците го преземаат Претставничкиот дом на изборите на 8 ноември.