Министерот за здравство Демири вели дека е медицинскиот директор Петровски не бил разрешен поради политички причини, туку поради грешки. Го обвини дека одбил да им ги продолжи договорите на 18-те вработени.
„Луѓето работеле на токсикологија 12 месеци, после биле дел од здравствените услуги. Ако некој има договор 12 месеци јас како министер кој сум да го прекинам договорот. Има многу здравствени работници кои работаат со договор на дело тие треба да добијат трајно решение, изјави Демири и најави дека ќе им бидат продолжени договорите на договорците од Токсикологија.
Според Демири на Токсикологија нема хаос, а економската директорка не го прекршила законот.
„Нема хаос таму дирекорката организациска ќе остане на работното место се додека не го прекрши законот. Директорката не потпишала за осигурување на клиниката оти во првичниот договор немало пишано колку проценти зема брокерската куќа. Директорката инсистира на договор со брокерска куќе која кажува колку зема проценти, директорот не сака да го потпишува, ова се кривични дела, сега можам ова да го зборувам дека не сме пред кампања, нема да го користам министерството за политичка кампања, изјави Демири.
Целата оваа состојба што се случува Демири вели дека ја гледа како политички притисок врз него.