Дачиќ денеска ќе ги каже причините за повлекувањето на српските дипломати од Македонија

Министерот за надворешни работи Ивица Дачиќ денеска треба да објасни зошто дипломатите од амбасадата на Србија во Македонија вчера вечер беа повлечени на итни консултации во Белград.

Министерот за внатрешни работи Оливер Спасовски синоќа рече дека по добиеното известување од МНР дека амбасадата на Србија се повлекува на консултации во Белград, по барање на амбасадата, МВР превзема мерки на зголемена безбедност на нивните објекти.