„Мислам дека треба да си се водиме по законските прописи, добро е да си бидат одвоени и тоа ќе биде тест, мислам дека одвени избори би им помогнале на сите партии малку да си ги одмерат силите и евентуално да поправат нешто во тој меѓупериод. Така што јас сум за пристапот за одвоеност,“ рече Ана Чупеска, професорка на Правниот факултет „Јустинијан Први“ при УКИМ, на прашањето за престојните избори, претседателски и парламентарни во емисијата Клик Плус на ТВ21.
Таа истакна дека опозицијата не се труди конструктивно да делува во процесите, туку само контрира.
„Она што јас стравувам е влегување во една криза или т.н бугарско сценарио. Спојувањето и раздвојувањето на изборите е помалку важно од последиците од коалицирањето и можностите за формирање на влада. За мене како политиколог пост изборните комбинаторики се со далеку поголем потенцијал за разорност отколку претходните“ истакна Чупеска.
