Чулев ја демантира Шекеринска: Полицајците не се заразиле на прославата на МВР, носеа заштитна опрема

Техничкиот министер за внатрешни работи ја демантира изјавата на вицепремиерката Радмила Шекеринска дека полициските службеници кои се позитивни на тестот за коронавирусот заразата ја добиле на одбележување на Денот на полицијата.

„Ваквите неумесни и паушални изјави најпрво фрлаат сенка на работата на Министерството за внатрешни работи, а потоа и на професионалноста и одговорноста на полициските службеници кои целиот изминат период успешно се борат против ширењето на пандемијата во нашата држава. Факт е дека ваквото одбележување на која дадовме почит и признание на полициските полициските службеници од првиот ден е „трн во око“ на Шекеринска, а со денешните неточни изјави уште еднаш се потврди тоа“, стои во демантот на Чулев.

Тој посочува дека на вежбата полициските службеници ја носеле потребната заштитна опрема и ја почитуваа пропишана дистанца за целосна превенција и заштита од коронавирусот.