Поранешниот министер за внатрешни работи Наќе Чулев вели дека за време на неговиот мандат во техничката влада била поднесена кривична пријава за злоупотреба на пасоши, но дека предметот бил во фиока.
-Сигурно паметите дека јас како МВР во техничката влада во 2020 година врз основа на внатрешна контрола, констатирав злоупотреба во делот на набавка на пасоши, и тогаш поднесовме кривични пријави до ОЈО за организиран криминал и корупција.
Кривичната пријава стои во фиока, и сега после четири години се повторува истото кривично дело. Доколку се постапуваше, сега немаше да се случува повторно ова. Јас ќе препорачам на идниот министер за внатрешни работи да изврши истрага, и да поднесе кривична пријава, затоа што има повторување на делото – рече Чулев на ТВ 21.