Четворица адвокати со свои жалби се обидуваат да ја докажат незаконитоста во решението на Кривичниот совет со кое му се одредува притвор на екс министерот Миле Јанакиески.
Нивната теза е дека е извршена суштинска повреда на кривичната постапка со тоа што не е запазено правото на Јанакиески да биде сослушан пред да му биде одреден притворот. Во неговиот адвокатски тим се Сања Алексиќ, Еленко Миланов, Боро Тасевски и Дончо Наков.
Сите поединечно ја образлагаат својата желба по однос на решението. Според адвокатите во процесот на донесување на решението е забележливо дека на СЈО и на судот им се брзало. Наков посочи дека на 13ти ноември е доставена службената белешка до СЈО, а не поминале ни 24 часа до моментот кога Јанакиески бил приведен.
Наков праша кога постигнал Кривичниот совет да заседава по ова прашање. Следи обраќање на обвинителите од СЈО.