Премиерот на Федерацијата на Босна и Херцеговина, Фадил Новалиќ е прогласен за виновен како првообвинет во случајот „Распиратори“, а првостепено е осуден на четири години затвор од судот во Сараево.
Покрај него, виновни се обвинетите Фикрет Хоџиќ, сопственикот на компанијата „Сребрена малина“, кој доби пет години и поранешниот директор на Федералната управа за цивилна заштита (ФУЦЗ), Фахрудин Солак, кој доби шест години затвор.
Обвинителот рече дека станува збор за специфичен случај, затоа што првите информации ги дале истражувачки новинари, а не полициските органи.
Обвинителот посочи дека имало бројни опструкции од страна на оние кои се должни да обезбедат непречена истрага. Кажа дека во БиХ правото на здравје бара прифаќање на корумпирани стандарди, дека цената на вентилаторите е повеќекратна од реалната цена и дека граѓаните не добиваат соодветна опрема за здравствена заштита.
Потоа, парите ѝ се дадени на компанијата без никаква гаранција што ќе се случи доколку не се исполни договорот, на што одговори судијата Периќ, порачувајќи му на обвинителката Пашиќ „да не филозофира“ и да премине на самите докази.
За самиот откуп рече дека не е извршена јавна набавка, парите се обезбедени пред да се склучи договорот, договорот е склучен со фирма која не се занимава со тоа, предметот на договорот е сменет, исплатата била направени без никаква гаранција и дека не се употребливи за пациенти со Ковид.
Обвинетите беа обвинети за перење пари, фалсификување или уништување деловни или комерцијални книги или исправи, фалсификување службена исправа и повреда на обврската за водење комерцијални или деловни книги и составување финансиски извештаи, како и нивно фалсификување или уништување.