Чавков не поднесе барање за амнестија

Поранешниот директор на БЈБ, Митко Чавков, не поднел барање за амнестија, потврди неговиот адвокат Сашко Дуковски во изјава за медиумите. Дуковски денеска го прокоментира Законот велејќи дека според него станува збор за селективна амнестија.

Како што рече адвокатот, Чавков се изјаснил дека својата невиност ќе ја докажува во постапка пред судот. Сепак, делото за кое се товари поранешниот директор на БЈБ е исклучено од амнестијата, согласно одредбите од Законот, бидејќи Чавков е осомничен дека постапил спротивно на службените овластувања при вршење на кривичното дело.

Инаку, бројот на обвинети кои побарале амнестија се искачи на 64, од вкупно 70 лица кои се опфатени во судските предмети за 27 април.