Бугарската влада ќе ги истражува правните мерки против Москва откако рускиот енергетски гигант Газпром го затвори снабдувањето со гас во земјата, изјави бугарскиот министер за енергетика Александар Николов во изјава за Си-Ен-Ен.
-Булгаргаз, државниот ентитет, ја изврши исплатата и потоа парите беа вратени од Гаспром. Ако зборуваме за прекршување на договорот, тогаш од правна и законска перспектива е апсолутно јасно кој го прекршил договорот, изјави Николов во интервју за CNN.
Кога Русија побара сите плаќања за гасот да се вршат во рубљи, Николов рече дека Бугарија одби да се усогласи и побара појаснување за деталите за механизмот, но не добиле одговор од Газпром.
-Бевме прилично јасни дека ќе следиме заеднички став во однос на гледиштето на Европската унија. Нема да го прифатиме фактот дека една од страните во договорот реши целосно да го промени механизмот за плаќање, па затоа завршивме таму каде што сме денес… но сепак се обидуваме во овие тешки околности да ги следиме сите предуслови од постоечкиот договор, додаде Николов.
Бугарија се потпира на Русија за околу 90% од увоз на гас, што го прави најновиот потег на Москва прекин на поголемиот дел од снабдувањето со енергија на земјата. Министерот за енергетика рече дека Бугарија ги испитала сите можни решенија во однос на енергетската диверзификација и се обидува да ги прошири своите партнерства со другите региони.
Тој укажал на одреден напредок на долго одложуваната гасна врска, интерконектор Грција-Бугарија (ИГБ) меѓу Бугарија и нејзиниот сосед Грција.
-Практично, доаѓањето од 90% на нула, се разбира, ќе биде тешко и, се разбира, ќе имаме цена за да ја платиме, но на крајот на денот, суверенитетот и солидарноста се многу поважни, рече тој.
