Бугарија ќе добие 40 милиони долари од САД за воено финансирање

Бугарија ќе добие 40 милиони долари дополнително воено финансирање откако ќе биде одобрено од Конгресот на САД, соопшти Американската амбасада во Бугарија.

Како што јави дописникот на МИА од Софија, средствата се наменети за зајакнување на безбедноста на Бугарија. Финансирањето е дел од сеопфатниот пакет наменет за Украина и 17 нејзини соседни земји, вклучително и Бугарија.

Целта е да се зајакне безбедноста на оние земји кои можат да бидат жртви на потенцијална руска агресија.

Парите за Бугарија се наменети за модернизација на бугарските вооружени сили и за зајакнување на одбранбената способност на НАТО во балканскиот регион.