Дури 59 нови слаучаи на корона вирус се регистрирани денес до 13 часот во Тиквешко. Во Кавадарци позитивни се 41 лице, 15 во Неготино, две во Демир Капија и едно во Росоман, информираат од ЦЈЗ Кавадарци.
Помеѓу нив има тројца здравствени работници од Кавадарци и еден од Неготино, а новорегистрираните се на возраст од 12 до 70 години. Починат е пациент од Кавадарци на возраст од 79 години.
И покрај овие бројки на нови случаи на вирусот, сепак дружбите во Тиквешко не престануваат. Кафулињата се полни во тек на ден, а во вечерните часови се популарни седенките во домашна атмосфера, од кои дрско се објавуваат фотографии и видео снимки на социјалните мрежи.
Според вчерашните податоци на МЗ во Кавадарци беа активни 523 случаи, а во Неготино 337. Од почетокот на пандемијата до денес во Тиквешијата се инфицираа 2.063 лица.
Ковид одделот во кавадаречката болница работи под полна пареа веќе два месеци, а моментално се хоспитализирани 39 пациенти.
Сепак, бројот на скептици кои ја занемаруваат опасноста од вирусот е голем, и добар дел од граѓаните продолжуваат со животен стил како пред пандемијата, загрозувајќи го јавното здравје и игнорирајќи го фактот што здравствените работници се уморни од деветмесечната борба со вирусот.
Вики Клинчарова
