Велика Британија испраќа еден од своите најсмртоносни воени бродови во Персискиот Залив за да ги одврати растечките закани од бродовите на Иран и групите што ги поддржува по почетокот на израелската војна против Хамас, пишува Sky News.
Распоредувањето на HMS Diamond, разурнувач од тип 45 способен да истрелува проектили, доаѓа откако јеменските Хути киднапираа товарен брод поврзан со Израел во Црвеното Море минатата недела, што ја натера американската војска да спаси уште еден брод во неделата.
Секретарот за одбрана, Грант Шапс рече дека ја засилува долгогодишната поморска безбедносна операција на Кралската морнарица во Заливот за да го намали ризикот од актуелната криза меѓу Израел и Хамас поддржан од Техеран да ескалира во регионален конфликт.
„Ова е одговор на она што се случува во регионот“, изјави тој пред група новинари и додаде: „Клучно е Велика Британија да го зајакне нашето присуство во регионот за да ги заштити Британија и нашите интереси од нестабилност.
Распоредувањето на разурнувачите е најважниот, јавно деклариран воен потег на Велика Британија откако нападот на Хамас врз Израел на 7 октомври ја предизвика војната.
По оваа одлука следува распоредување на два помошни брода и авиони за набљудување во регионот.