Министерот за здравство на Велика Британија, Ендрју Гвин е сменет поради несоодветни коментари објавени во група на WhatsApp.
„Премиерот е решен да ги почитува високите стандарди на однесување во јавниот сервис и да води влада во служба на работните луѓе. Тој нема да се двоуми да преземе мерки против секој министер кој нема да ги исполни тие стандарди, како што беше сторено во овој случај“, изјави владиниот портпарол во Лондон, пренесе Скај њуз.
Портпаролот на Лабуристичката партија исто така изјави:
„Ендрју Гвин е административно суспендиран како член на Лабуристичката партија. Ги истражуваме коментарите објавени на групата WhatsApp во согласност со правилата и процедурите на Лабуристичката партија. Ќе бидат преземени брзи дејствија доколку се утврди дека поединци ги прекршиле високите стандарди што се очекуваат од членовите на Лабуристичката партија“.
Се огласи и разрешениот министер Гвин.
„Длабоко жалам за моите лошо проценети коментари и се извинувам за каква било навреда што можеби сум ја предизвикал. Цел живот ѝ служев на Лабуристичката партија и ми беше огромна чест што бев назначен за министер од премиерот Кир Стармер. Целосно ги разбирам одлуките што премиерот и партијата ги донесоа и, иако ми е многу жал што сум суспендиран, можам на кој било начин да ги поддржам“.
Labour Minister Andrew Gwynne has been sacked and suspended from the party after a number of WhatsApp messages, including hopes for a pensioner's death and anti-Semitic comments were exposed. pic.twitter.com/fFM4LlWc3o
— MrBounceBack.com (@Bounce_BackLoan) February 8, 2025
Според британските медиуми, Гвин бил разрешен поради порака во која изјавил дека се надева оти „пензионерите кои не гласаат за неговата Лабуристичка партија ќе умрат пред следните избори“.
Тој исто така објави неколку расистички и сексистички коментари на социјалните мрежи. Откако дојде на власт пред помалку од една година, премиерот Стармер разреши тројца министри од својата влада.