Британската кралица Камила ги откажа своите ангажмани оваа недела по совет на лекар поради инфекција на белите дробови, соопшти денеска Бакингемската палата.
Портпаролот на палатата рече дека лекарите на Камила „советувале краток период на одмор“ и додаде дека „со големо жалење“ таа се повлече од своите должности оваа недела, објави Скај њуз.
Queen Camilla, the wife of Britain’s King Charles III, has withdrawn from two scheduled engagements this week after contracting a chest infection, Buckingham Palace said on Tuesday. https://t.co/Y4zb2m5j7t
— The New York Times (@nytimes) November 5, 2024
„Таа им се извинува на сите оние кои би можеле да бидат вознемирени или разочарани поради ова“, соопшти палатата.
Меѓу настаните на кои е откажано присуството на кралицата се годишното отворање на градината „Поле на сеќавањето“ во Вестминстерската опатија во четвртокот, во спомен на паднатите британски војници и приемот на кралот во Бакингемската палата за олимписките и параолимписките спортисти истиот ден.