Британија ќе ѝ даде подводни дронови на Украина

Британското министерство за одбрана соопшти дека ќе ѝ даде на Украина шест подводни беспилотни летала кои ќе ѝ помогнат да го исчисти брегот од мини.

Тоа ќе овозможи побезбедна испорака на жито, пренесува „Ројтерс“.

Велика Британија, исто така, ќе обучи десетици припадници на украинската морнарица за користење беспилотни летала, се вели во соопштението на Министерството.

Норвешка и Велика Британија заеднички ќе испорачаат микро беспилотни летала на Украина како воена помош во војната со Русија, објави норвешкото Министерство за одбрана претходно оваа недела.