Холивудскиот актер Бред Пит не се одвојува од својата нова избраничка, убавата Инес Рамон, а парот заедно ги прослави Божиќ и Нова година во Мексико.
Папараците ги фотографираа, а нивните разголени фотографии ги преплавија мрежите со брзина на светлината. Актерот е сликан гол до половина, а вистинска ѕвезда беше занесната Инес, која во еден момент го соблече горниот дел од костимот за капење.
Двајцата заедно го прославија неговиот 59-ти роденден, а Рамон има 30 години, односно е 29 години помлада од Пит.
Парот прво беше фотографиран на забава во Лос Анџелес по премиерата на неговиот нов филм „Babylon“, а еден месец подоцна папараците ги „уловија“ на концерт на кој уживаа со пријателите.
Инаку, Инес е од Њу Џерси и дипломирала на Универзитетот во Женева во 2013 година за бизнис администрација. Според нејзиниот LinkedIn, од 2020 година таа е шеф на големопродажба во Anita Jewelry, која има славни клиенти, вклучувајќи ги Кортни Кардашијан и Хејли Бибер.
Нејзиниот поранешен сопруг е актерот Пол Весли, кој го знаеме од The Vampire Diaries. Инес и Пол се венчаа на тајна церемонија во 2019 година. Но бракот беше краток и турбулентен.
ПР-от на парот во септември годинава потврди дека тие се разделиле и неколку месеци живеат одвоено. Во меѓувреме, разводот на Бред со Анџелина Џоли достигна скандалозни граници, особено кога се дозна дека таа без негово знаење им продала дел од заедничката винарија на Русите, кои им беа главни конкуренти, иако таа јавно сочувствува со Украинците, што беше осудено од страна на јавноста.