Папата Франциск пишува дека по слетувањето во Багдад во март 2021 година, му било кажано дека двајца бомбаши самоубијци се подготвени да го убијат на настан на кој требало да се појави, но дека планот бил попречен со дојава од британското разузнавање.
Напаѓачите биле пресретнати и убиени, напиша тој во својата автобиографија, чии извадоци објави италијанскиот весник „Кориере дела сера“.
Тридневниот престој за време на пандемијата на коронавирусот беше прва посета на папа на Ирак и беше напорна во однос на безбедноста.
Во претходните години, Ирак забележа зголемено секташко насилство, со борби меѓу шиитите и сунитските муслимани, како и со прогон на верските малцинства.
Христијанската заедница во земјата драстично се намали, првенствено поради тоа што беше цел на групата Исламска држава и други сунитски екстремисти.
Во делови од неговата автобиографија, папата напиша дека „речиси сите го советувале да не оди“ во Ирак, но тој чувствувал дека „мора да го направи тоа“.
Заговорот, додава тој, го открила британската разузнавачка служба, која ја алармирала ирачката полиција, која веднаш по слетувањето на авионот за детали го известила обезбедувањето на папата.
„Една жена врзана со експлозив беше на пат кон Мосул за да се разнесе за време на посетата“, пишува тој.