Боки 13 до обвинителката Русковска: Не се дери, потивко!

by fokus 12:41
12:41

Откако сведокот Орце Камчев заврши со сведочењето по прашања на обвинителката Вилма Русковска, обвинетиот Бојан Јовановски вкрстено го испрашуваше Камчев.

Тој најпрвин побара Камчев да му се извини, бидејќи во сведочењето употребил низа квалификации кон него. Кога судијката го предупреди да поставува прашања, тој го праша Камчев кој ја иницирал првата средба меѓу нив?

-Ти, Бојан Јовановски и Зоран Милевски ја инициравте средбата, одговори Камчев, на што Боки 13 искоментира дека претходно сведокот посочил дека случајно се сретнале во ресторанот „Сушико“.

- Advertising -

Дел од испрашувањето наликуваше на меѓусебен муабет, со дофрлање од двете страни, па Боки 13 на забелешката на Камчев дека на сите им е јасно дека не е реално да плати 200.000 евра за рекламирање на телевизија, која има рејтинг од 1%, а Јовановски рече дека тој како менаџер може да бара колку сака.

-Можам за реклами да барам колку сакам, како што вие наплаќате за операции колку што сакате, а тие се неуспешни, рече Јовановски.

Кога обвинителката Вилма Русковска се обиде да реагира за начинот на испрашување, Јовановски и дофрли од место, „Не се дери, потивко“.

Судијката во текот на рочиштето неколку пати ги предупреди присутните да се однесуваат пристојно, а во спротивно ќе ги отстрани од судницата.

„Ова не е театар“, истакна судијката.

Судењето е во тек.

В.В.

 

Поврзани новости