Бојко Борисов се откажа од пратеничкиот мандат

Лидерот на ГЕРБ и поранешен долгогодишен бугарски премиер, Бојко Борисов, нема да биде пратеник во 47. Народно собрание, соопшти Бугарското национално радио, повикувајќи се на свои извори.

Борисов поднел и изјава до Централната изборна комисија на Бугарија дека се повлекува од своето пратеничко место. Ова е трето Народно собрание во кое Бојко Борисов одбива да биде пратеник.

Мотивите за ваквата одлука се уште не ги кажува ниту Борисов ниту неговите соработници од ГЕРБ.