Богоевски: Пендаровски доби повеќе гласови во вториот круг зашто тврдевме дека сме ја сфатиле пораката

Пратеникот Павле Богоевски во вечерашното гостување на телевизија 24 даде осврт на резултатите од првиот и вториот круг од претседателските избори.

-Добар дел од граѓаните мислат дека жртвите кои беа направени за ЕУ беа преголеми, како и начинот на практикувањето на извршната власт донесе до разочараност и пониска излезност во првиот круг. Различното во вториот круг што донесе поголема излезност и повеќе гласови за Пендаровски, е што прво Пендаровски, премиерот и сите од нас тврдевме дека сме ја научиле лекцијата и сме ја сфатиле пораката. Но, тоа сега дава тежина на она што се нарекува „метла“, рече Богоевски.