Богоев на средба со синдикатите, по протестот на вработените во Царина

Новиот директорот на Царинската управа Стефан Богоев, денеска одржа работна средба со претставници на Синдикатот на работниците од управата, правосудните органи и здруженија на граѓани (УПОЗ) и Независниот синдикат на Царинската управа. Ова е негова прва официјална работна средба по преземањето на должноста прв човек на Царината.

На средбата беше запознаен со барањата на синдикатите, кои првенствено се однесуваат на обезбедување на додаток на платите на вработените, согласно Законот за Царинска управа и Колективниот договор.

Денес вработените во Царинската управаодржаа предупредувачки протес. Тие го бараат додатокот на плата од 30 проценти кој веќе го имаат во Колективниот договор, бидејќи исто како и на вработените во УЈП, според Законот за буџети, ова право им следува.

„Со Законот за буџетите и со автентичното толкување на членот 66 од овој Закон, Министерството за финансии и сите органи во министерството за финансии добија додаток на плата во висина од 30%. Иако, Царинската управа е орган во состав на Министерството за финансии и се понадевавме дека конечно и на вработените во Царината ќе им се исплати овој додаток, одговорот повторно беше негативен“ рекоа тие

Богоев на средбата со синдикатите рече дека ги почитува правата на вработените, кои се регулирани со соодветни закони или колективни договори. Тој рече дека ги известил дека е закажана и ќе се одржи средба со Министерот за финансии, каде тој ќе го истакне и ова прашање, соопштија од Царинската управа.

Тој кажа дека е планирана консултативна средба и со директорката на Управата за јавни приходи, како и интерни средби со раководителите во Царинската управа за подетално запознавање со можностите за изнаоѓање на решение за поставените барања, и најави дека по одржаните средби ќе продолжи соработката со синдикатите.

„Неодамна е потпишан нов Колективен договор на Царинската управа во координација со двата синдикати, со кој на вработените им се овозможи усогласување со минималната плата, надоместок за домашно дежурство, платено осигурување, зголемување на бројот на денови за годишен одмор и други поволности“, соопштија од Цариската управа

Богоев на средба со синдикатите, по протестот на вработените во Царина

(Видео) Се урна мост кај Краљево во Србија од поплавите

Путин: Нема потреба да користиме нуклеарно оружје

Поврзани новости