Блинкен месецов ќе ги посети Израел и Западниот Брег

Државниот секретар на САД, Ентони Блинкен на 26 и 27 мај ќе ги посети Израел и Западниот Брег во рамките на напорите на Вашингтон да го зајакне примирјето во Појасот Газа.

Според извор запознаен со распоредот на Блинкен, шефот на американската дипломатија ќе го посети и Египет, кој посредуваше во договорот за прекин на огнот меѓу Израел и Хамас, како и Јордан.

Прекинот на огнот меѓу Израел и Палестинците стапи на сила ноќта на 21 мај со што запреа судирите кои почнаа 11 дена претходно.