Бизнисменот Кочан примен во болница, ќе бара ново одложување на затворската казна

Бизнисменот Сеад Кочан кој требаше да се пакува за во затворот „Идризово“, бидејќи на 17 јули треба да се пријави за издржување на казната затвор од 4 години и 8 месеци, е примен на лекување во болница.

Кочан за својата здравствена состојба денеска го известил и Кривичниот суд, но сѐ уште не поднел ново барање за одложување на издржувањето на казната.

Кочан, спасот од затвор го бара и во Врховен суд, каде што бара вонредно преиспитување на пресудата за случајот „Труст“.