Битолчанец хоспитализиран откако удрил со автомобил во канделабра и дрво

Вчера утротото се случила сообраќајна незгода, откако битолчанец изгубил контрола над возилото  и удрил во канделабра и дрво.

„На 26.06.2019 година во 06.52 часот на крстосница од ул.„Македонска Фаланга“ и пат за стадион „Тумбе-кафе“ во Битола, Љ.С.(62) од с.Буково, битолско, управувајќи патничко возило „Форд фиеста“ со битолски регистарски ознаки,  изгубил контрола и удрил во канделабра за улично осветлување и во дрво. Љ.С. се здобил со тешки телесни повреди и бил пренесен во Клиничката болница во Битола, каде му била укажана лекарска помош.  Увид на местото извршила увидна екипа на СВР Битола“, велат од МВР.