Германската канцеларка Ангела Меркел остро реагираше на одлуката на американскиот Конгрес да се усвои закон, кој предвидува воведување санкции за „Северен поток 2“. Изјавата на Меркел може да се оцени како „објавување војна“ на американскиот претседател Доналд Трамп, пишува германскиот весник „Билд“.
– Не гледам друга можност освен да бидеме одлучни во текот на преговорите со САД дека е неприфатлива праксата на екстериторијални санкции, гласела „јасната порака“ на Меркел.
Весникот наведува дека изјавата на германската канцеларка е „очевидно објавување војна“ на Трамп и нема да дозволи САД да продолжат со поткопување на проектот за гасовод, кој таа го поддржува.
„Билд“ нагласува дека без разлика на обидите кои ги презема американската страна, проектот во вредност од околу 10 милијарди евра „не може да биде прекинат“ и наскоро ќе заврши.