Францускиот фудбалски напаѓач Карим Бензема по цели 14 години го напушта тимот на Реал Мадрид и својата кариера ќе ја продолжи во Саудиска Арабија.
Засега детали не се потврдени, но според објавите на шпанските медиуми станува збор за договор со Ал Итихад за 100 милиони евра по сезона.
Во средата францускиот ас имал состанок со тренерот Карло Анчелоти на кој го известил за своите планови, а во клубот, според информациите, немале намера да му прават проблеми.
BREAKING: Karim Benzema will leave Real Madrid this summer after 14 seasons and 24 trophies to join the Saudi Pro League, per multiple reports 👑 pic.twitter.com/vp79iAaHnM
— B/R Football (@brfootball) June 1, 2023
Понудата од Ал Итихад, Бензема ја добил пред неколку недели, меѓутоа побарал време за да се одлучи.
Бензема во Мадрид пристигна во 2009 година и со 353 гола на вкупно 647 натпревари е втор најдобар стрелец на „кралевите“.Пред него е само Кристијано Роналдо.
Тој со тимот од „Сантијаго Бернабеу“ освои пет титули во ЛШ, четири во шпанската Ла Лига и три трофеи во Копа Дел Реј.