Белата куќа негира дека Пенс е во карантин

Белата куќа ги негираше информациите дека потпретседателот на САД, Мајк Пенс, е ставен во карантин по откритието дека еден од неговите соработници е заразен со корона вирус.

Портпаролот Девин О’Мали порача дека Пенс ќе дојде на работа затоа што имал негативни тестови за корона вирусот.

„Потпретседателот Пенс ќе продолжи да ги следи советите на медицинскиот тим на Белата куќа и не е во карантин“, рекол тој.