Бектеши: Во вторник ќе замрзне цената на лебот и нема да биде над 33 денари

Во вторник ќе се замрзне цената на лебот и нема да биде над 33 денари и за белиот и полубелиот леб. Ова е само прв чекор од производите наведени во одлуката на Владата. Ќе следат и нови одлуки за замрзнување на цените. Се прават анализи за тестенините и тие средства ќе се користат за укинување на некои давачки, изјави на денешната прес-конференција Министерот за економија Крешник Бектеши.

Цените, како што појасни Бектеши, нема да се зголемат, освен во случај ако растат цените на суровините, тогаш би можело да има нагло покачување.