Бектеши: Свадби ќе се организираат од крајот на мај според одобрени протоколи

На крај на мај, почеток на јуни ќе може да се организираат свадбени прослави, изјави министерот за економија Крешник Бектеши на ТВ 21.

-Доколку продолжи ваквата епидемиолошка ситуација, тогаш крај на мај или почеток на јуни ќе се отворат и рестораните за свадби согласно протоколите кои ќе бидат одобрени – истакна тој.

Инаку, министерот за здравство Венко Филипче денеска изјави дека се уште е рано да се организираат свадби, концерти и останати настани.