Бектеши откри што ќе се случи со цената на струјата по Нова година

Министерот за економија Крешник Бектеши на денешната прес-конференција говореше за состојбата со струјата во Македонија откако беше најавени нејзино поскапување. Според него, големи ценовни шокови со цената на струјата нема да има од јануари наредната година.

-Големи ценовни шокови нема да има и за тоа сум убеден согласно законот и работата на РКЕ. Секои шест месеци ние ја утврдуваме цента на струјата преку ЕСМ, која таа ја продава до ЕВН има времe до 1 јануари и ќе интервенираме секаде каде ќе има потреба. Не верувам дека ќе се бидеме во ситуација за да ја зголемиме цената на струјата од 1 јануари, кажа Бектеши.