Беќаровски: Казната за присуство на цивилни лица во Ковид центар не може да биде само разрешување

Професор-доктор Нико Беќаровски вечерва преку Фејсбук објава порача дека казната за присуство на цивилни лица во Ковид центар не може да биде само разрешување на надлежните.

-Континуирано присуство на ЦИВИЛНИ НЕВРАБОТЕНИ ЛИЦА ВНАТРЕ во Ковид центрите е СВЕСНО ЗАГРОЗУВАЊЕ НА ЈАВНОТО ЗДРАВЈЕ.

За вакво злодело казната не може да биде само разрешување на надлежните во тетовската болница, напиша Беќаровски.

Министерот Венко Филипче на денешната прес конфереција рече дека првичните информации се дека во моментот на пожарот во тетовската Ковид-болница имало две лица „на посета“, а граѓани сведочат дека за прием на болни од болницата им барале да обезбедат придружба за своите блиски.