Центарот за управување со кризи соопшти дека компанијата Бехтел и Енка им помогнала во борбата со огнената стихија која ја зафати државата.
Компанијата Бехтел и Енка понудила помош во градежна механизација.
„На конструктивна средба помеѓу директорот на ЦУК Стојанче Ангелов со претставници на Бехтел ЕНКА беше договорена нивна брза реакција доколку за гаснење на некој пожар се појави потреба од нивната градежна механизација.
Во среда попладне (07.08.2024 г.) од Бехтел ЕНКА побаравме итно да помогнат со еден моќен багер за проширување на пристапниот пат и ископување широк противпожарен појас околу воен објект над густо населената област кај с. Челопеци во општина Кичево, за да се спречи ширењето на големиот пожар на отворен простор. Набргу потоа багерот беше донесен на потребната локација, веднаш започна со работа и рњкордно брзо го изработи потребниот појас.
Бехтел ЕНКА, исто така во четвртокот наутро (8 август 2024 г.) ја распореди својата опрема од трасата на Коридорот 8 во Делница 2, за да го ограничи и сузбие пожарот во непосредна близина на бачилото во с. Бањица, општина Гостивар.
Голема благодарност до Бехтел ЕНКА за нивната отвореност за соработка како и брзата реакција со која беше спречено ширењето на овие застрашувачки пожари“, велат од ЦУК.
Од таму ги повикуваат и останатите домашни и странски компании, доколку се во можност, со своите ресурси да помогнат во борбата против огнената стихија.
