Беџети: Ќе ги дадеме своите забелешки, но нема да гласаме за интерпелација на Гаши

Пратеникот од редовите на Европскиот фронт – Блерим Беџети, денеска пред почетокот на седницата за интерпелација на претседателот на Законодавниот дом – Африм Гаши во Собранието, рече дека како пратеничка група на Европскиот фронт ќе ги дадат своите забелешки, но како што вели, нема да гласаат за интерпелацијата.

„Ќе ги дадеме нашите забелешки за работата на господинот Гаши, за интервјуто кое вчера кружеше, мислам дека треба да им се извини на Албанците и да се повлече од политичката сцена и повеќе да не биде претседател на Собранието. Но, ова ќе остане во неговата свест. Но, од принципиелни причини, за прашања што се покренати, ќе дебатираме за аргументите, но нема да гласаме за интерпелацијата“ – изјави Беџети.