Бајден вечерва ќе се обрати во јавност по среднорочните избори во САД

Американскиот претседател Џо Бајден вечерва ќе одржи прес-конференција по среднорочните избори одржани во вторникот во САД.

Бајден треба да зборува во 22 часот по средноевропско време.

Демократите на Бајден постигнаа, според првите прогнози, подобри резултати од очекуваните, јавија американски медиуми во време кога се уште се пребројуваат гласовите и не е позната конечната распределба на силите на демократите и републиканците во Сенатот и во Претставничкиот дом на Конгресот.