Бајден се меша во нашите внатрешни работи, обвини Иран

Поддршката што американскиот претседател Џозеф Бајден им ја даде на иранските демонстранти, официјален Техеран ја нарече мешање во внатрешните работи на Иран, објави денеска Иранската студентска новинска агенција.

Коментирајќи ги демонстрациите во Иран, кои избувнаа по смртта на Махса Амини во притвор на 16 септември, Бајден рече дека е изненаден од храброста на иранскиот народ кој излезе на улиците да протестира.

-Во саботата Бајден се вмеша во внатрешните работи на Иран поддржувајќи ги немирите. Претходните денови американската администрација очајно се обидуваше да ги запали протестите во Иран, под различни изговори –  изјави портпаролот на Министерството за надворешни работи, Насер Канани.