Американскиот претседател Џозеф Бајден направи гаф на денешната средба со кинескиот претседател Си Џинпинг.
Како што пренесуваат американските медиуми, средбата траела повеќе од четири часа. А по неа, Бајден одржа посебна прес-конференција во близина на Сан Франциско, на крајот од која беше запрашан дали се уште го држи ставот дека актуелниот кинески претседател е диктатор.
„Видете, тој е… Тој е диктатор во смисла дека е човекот кој ја води земјата, која е комунистичка држава заснована на сосема поинаков облик на владеење од нашата“, одговори Бајден.
Тој, како што наведуваат медиумите, го спореди својот кинески колега со „диктатор“ и за време на приемот на кампањата надвор од камерите во Калифорнија во јуни, навредувајќи го затоа што бил изненаден откако САД собориле кинески шпионски балон, кој излета од курсот над САД.
„Не, јас сум сериозен. Тоа е она што е голем срам за диктаторите, кога не знааат што се случува“, рече тогаш Бајден.
Двајцата претседатели се сретна во вилата во Калифорнија, по што следеше работен ручек и кратка прошетка.