Американскиот претседател Џо Бајден предизвика контроверзии со својата изјава. Бајден зборуваше за комичар кој зборуваше на митингот на Трамп во Медисон Сквер Гарден и го нарече Порторико „пловечки остров на ѓубре“.
„И токму пред некој ден, еден говорник на неговиот митинг го нарече Порторико лебдечки остров на ѓубре. Па, дозволете ми да ви кажам нешто, Порториканците што ги знам се добри, пристојни, чесни луѓе“, рече Бајден на настанот, кој беше организиран за дополнително да ги охрабри гласачите да излезат на гласање и да ја поддржат Камала Харис.
Damn!! Biden is truly out of fucks to give and I love it! 🤣
"The only garbage I see floating out there is his supporters.”
— CALL TO ACTIVISM (@CalltoActivism) October 30, 2024
„Единственото ѓубре што го гледам како лебди таму се неговите поддржувачи. Неговото демонизирање на Латиноамериканците е несовесно и неамериканско“, продолжи Бајден.
Белата куќа брзо се обиде да ја минимизира штетата. Портпаролот Ендрју Бејтс рече дека Бајден мислел на „реториката со омраза“ на митингот во Њујорк, а не на поддржувачите на поранешниот претседател. Набрзо и самиот Бајден се огласи на социјалните мрежи.
„Претходно денес, ја нареков реториката со омраза за Порторико исфрлена од поддржувач на Трамп на неговиот собир во Медисон Сквер Гарден – што е единствениот збор на кој што можам да се сетам за да го опишам. Неговото демонизирање на Латиноамериканците е несовесно. Тоа е се што сакав да кажам. Коментарите на тој митинг не нѐ одразуваат кои сме ние како нација“, напиша тој на X.
Републиканците брзо се обидоа да ја поентираат изјавата на Бајден. За време на митингот во Пенсилванија, Трамп го повика сенаторот од Флорида Марко Рубио за да објасни што се случило. „Пред неколку моменти, Џо Бајден рече дека нашите поддржувачи, нашите патриоти се ѓубре. Тој зборува за секојдневните Американци кои ја сакаат својата земја“, нагласи тој.
Каролин Левит, портпаролка на кампањата на Трамп, рече: „Нема начин да се промени: Џо Бајден и Камала Харис не само што го мразат претседателот Трамп, тие презираат и десетици милиони Американци кои го поддржуваат“.
Дури и некои истакнати демократи се оградија од изјавата на Бајден. Говорејќи за Си-Ен-Ен, гувернерот на Пенсилванија Џош Шапиро рече дека „никогаш не би ги навредил добрите луѓе на Пенсилванија или кој било Американец, дури и ако одлучат да поддржат кандидат што тој самиот не го поддржува“.