Бајден: Ако ние заминеме и Русија ја победи Украина, што мислите дека ќе се случи со балканските земји?

Американскиот претседател Џо Бајден предупреди дека откажувањето на финансиската помош за Украина може да доведе до криза во балканските земји.

„Ако ние заминеме, а Русија го издржи нападот и ја победи Украина, што мислите дека ќе се случи во балканските земји? Што мислите дека ќе се случи од Полска до Унгарија?“, праша тој.

Соработниците на Бајден отворено им кажаа на членовите на Конгресот на приватна средба во средата дека ако Конгресот наскоро не одобри дополнителна воена помош за Украина, Русија би можела да ја добие војната за неколку недели, во најдобар случај за неколку месеци, пишува „Ен-би-си њуз“.

„Русија би можела да ја добие војната за неколку недели“, додаде Бајден.