На прашањето „која е личноста која остави најмногу белег во 2023-та“, повеќето граѓани за анкетата на „Внимание, внимание – зборуваат граѓаните“, велат „ниту една“.
Притоа имаше и спомнување на конкретни блиски личности, како дечкото, пријателот, инспиративната баба која се изборила повторно да застане на нозе по тешката болест, а беше споменат и тенисерот Ѓоковиќ.
Анкетираните граѓани доколку би биле претседател на еден ден, би се заложиле за социјална правда и социјално избалансирана држава, некои би направиле журка на плоштад, а други посакаа да нема поделба кај македонскиот народ, трети посреден град, организирање на хуманитарни концерти, студентски град и клинички центар, подобро здравство, жена за претседател и за сите луѓе да има леб.
На прашањето „дали си ги остваривте желбите годинава“ граѓаните задоволно потврдуваат. Некои имале успех и убави моменти во семејството, други со студиите, трети со љубовта.
Речиси сите задоволни од годината која изминува.
„Внимание, внимание – зборуваат граѓаните“, се емитува на каналите на „Трн“ (на Фејсбук, YouTube, и на Инстаграм) и нејзината цел е да се чуе гласот на граѓаните.