Автомобилот „Сеат алтеа“ кој пред неколку дена изгоре на паркинг во скопската населба Ново Лисиче, се самозапалил, утврдила полицијата по спроведена истрага. Во пожарот кој се случи на 9 август на булеварот „АСНОМ“, целосно изгоре „сеат алтеата“, а огнот зафати и уште две возила паркирани до него, „фиат пунто“ и „мерцедес Е 270“.
Од МВР соопштуваат дека полицајците од Единицата за насилен криминал извршиле разговори и преглед на безбедносна камера, на која се гледало како автомобилот се самозапалил. Огнот почнал да се шири, а триесет и петгодишниот сопственик се обидувал да го изгасне. Но, кога ја отворил една од вратите, пламенот почнал да се шири многу брзо, ја зафатил внатрешноста на возилото и другите два автомобили.
Пожарот го изгаснаа од Противпожарната бригада Скопје. По насоки на Јавен обвинител настанот е расчистен и квалфикуван како „пожар“.