Жена (62) загина во тешка сообраќајна несреќа што се случи вчера на автопатот А3 кај Нова Градишка во Хрватска.
Несреќата се случила околу 11 часот кога возачот, управувајќи возило со српски регистарски таблички, ја изгубил контролата врз автомобилот и се превртел.
„Истрагата утврдила дека 60-годишен маж управувал автомобил со српски регистарски таблички од запад кон исток. Со него во возилото имало патници, на возраст од 61, 62 и 25 години“, соопшти полицијата.
Според нив, несреќата се случила кога 60-годишниот маж ја изгубил контролата врз возилото и се превртел на лентата за запирање и на тревната површина, каде што удрил во метална заштитна ограда, поради што автомобилот се превртел на покривот и се вратил на тркалата.
Во несреќата, 62-годишната жена починала од повредите на самото место.
„Полициските службеници поднесуваат кривична пријава против 60-годишникот до Општинскиот државен обвинител во Славонски Брод поради сомнение за сторено кривично дело предизвикување сообраќајна несреќа“, додаде полицијата.