Автомобил излета од патот во Битолско, тешко повредена жена

Тешко повредена 84-годишна жена во сообраќајна несреќа во Битолско.

На 15.10.2023 во 12.19 часот во СВР Битола било пријавено дека кај с.Оптичари, битолско, на патот Битола-граница со Република Грција, патничко возило „рено меган“ со битолски регистарски ознаки, управувано од Т.Н.(67) од Битола, излетало од коловозот.

Во несреќата, сопатничката З.П.(84) од Битола се здобила со тешки телесни повреди, констатирани во Клиничка болница Битола. Увид извршила увидна екипа на СВР Битола.