Автомобил и машко тело во распаѓање најдени кај Тиквешко езеро

На спореден пат кај Тиквешкото Езеро во близина на Кавадарци синоќа бил пронајден патнички автомобил со битолски регистарски ознаки и тело на починато машко лице во распаѓање, соопшти Обвинителството.

-Поради лошата пристапност на теренот, полициски екипи од ОВР Кавадарци и СВР Велес денеска извршија увид на лице место. Дежурен јавен обвинител од Основното јавно обвинителство Кавадарци издаде наредби за обдукција на телото на починатиот со цел да се утврдат причините за смртта, како и за ДНК анализа со која ќе се утврди неговиот идентитет, велат оттаму.