Автобуска несреќа во Кина, има загинати и повредени

Пет лица загинаа, а 12 се повредени во североисточната кинеска провинција Хеилонгџијанг, во сообраќајна несреќа во која учествувал минибус, соопштија денеска локалните власти.

Инцидентот се случил околу 18:58 часот по локално време на автопат во округот Кингјанг во Кина, соопшти бирото за јавна безбедност на округот, пренесе Ксинхуа.

Истрагата за причините за несреќата е во тек, се наведува во соопштението.