Автобусите на ЈСП сообраќаат редовно, вработените денеска ќе ја добијат јануарската плата

И покрај најавите дека денеска нема да има градски превоз, автобусите на ЈСП ќе сообраќаат по скопските улици.

Претседателот на Синдикатот на ЈСП, Миќо Стојановски, во изјава за МИА вели дека недоразбирањата околу исплатата на јануарската плата за вработените во претпријатието се надминати и оти платите ќе ги добијат денеска.

Додава дека автобусите ќе сообраќаат вообичаено, јавниот градски превоз ќе функционира нормално.

„Надминати се надоразбирањата околу личниот доход и вработените денеска ќе ја добијат јануарската плата. Во интерес на нашите корисници на услуги, ќе ја сервисираме нашата обрска кон нив редовно, со сите автобуси предвидени за јавен градски превоз“, изјави утрово Стојановски.